Lirik Lagu Kena Mental - KapthenpureK

 Lirik Lagu Kena Mental - KapthenpureK

Ade ko salah mata susah
Ade sa main mata ko bahayah
Awas nanti ade gelisah
Sa lirik pake mata
Ko rasa di dada

Ade ko kena mental jatuh
Ko liat lama lama ko yang halu
Ade suka yang manis siapa suru
Salah sendiri ade jadi layu

Senyum manis siap ada
Kaka pake mata adenya kena di dada
Cek mental aman to
Jang crazy crazy to
Ko santai saja mo
Susah to
Biar to
Kaka selow ade KO

Tersiksa ka tidak
Dapa rancang ka tidak
Ini bukan ko saja
Lihat sa trus manja
Ko tidak masuk lits
Masi banyak yang sadis
Yoi sip ya pedis
Tenang tenang ya manis

Sa lihat dari tadi
Ko mulai cari cari
Ko pu mata
Ada lirik pake curi curi
Coba tahan tahan
Nanti dapa culik
Ade sabar sabar jangan udik udik
Bungkus hosi hosi
Kena toki toki
Salting dengan sa ko salah joki
Barang jalan sante ade jangan pake nos
Ade gerak gerik sudah mirip dengan mous

Sa liat cuma
Pake mata
Tapi ko balas deng rasa
Aii masa tu
Begitu saja ko mental su jatu
Belum kasih senyuman saja
Ko suda begini
Dapat yang lebih pasti jadwal tidur pindah ke pagi
Sumpah bocor
Ade eror
Lihat yang manis saja ade langsung menteror
Ade kolera
Mimpi olang kolea
Tinggi kali selera
Ciee halu ni yaww

Ade ko salah mata susah
Ade sa main mata ko bahayah
Awas nanti ade gelisah
Sa lirik pake mata
Ko rasa di dada

Ade ko kena mental jatuh
Ko liat lama lama ko yang halu
Ade suka yang manis siapa suru
Salah sendiri ade jadi layu

Ade slera tinggi sampe lupa diri
Su ada gandengan juga masi pili pili
Liat ko punya tingka sumpah para sekali
Apakah ini harus
apakah ade haus
Lihat yang bagus bagus
Maunya langsung bungkus
Yang jelek suru jauh
Yang manis langsung mau
Sumpah terlalu tinggi itu halu
Sa main mata awas ade tertipu kena mental ko langsung layu

Ade sabar sabar
Coba ko tahan sebentar
Su maso tenda acara ni kaka bnyak yang kejar
Su pasti susah iyo to
Masa kedip su loyo
Pasang gaya di depan ruko
Kaka santai tarik roko
Su hobi hobi kental
Awas ko kena mental
Gaya su asal
Semua kaka su hafal
Sekilas tatap mata
Ko tara bisa
Ko makin susa
Silahkan pergi sa tara paksa
Antrian panjang belakang sana

Yoii kurang siip
Ko pu barang apa yang bagus
Su buat tingka depan sa pake akal kulus
Ko bukan jenius su jurus serius
Kasian tara efek buat sa ko kurang radius
Ade cara mati ado kaka sudah baca
Ade kurang asik kalah sama ko yang ca ce ca
Sa kasih
Tatapan pasti
Dan oo, ko cari saja cowo plastik

Ade ko salah mata susah
Ade sa main mata ko bahayah
Awas nanti ade gelisah
Sa lirik pake mata
Ko rasa di dada

Ade ko kena mental jatuh
Ko liat lama lama ko yang halu
Ade suka yang manis siapa suru
Salah sendiri ade jadi layu

 

Share :